Rikthehet sulmuesi Ismet Ramushi
09/04/2010 00:34
Sulmuesi gjilanas Ismet Ramushi është rikthyer nga lëndimi dhe është i gatshëm për ndeshjen e radhës kundër Flamurtarit. Ai është mjaft optimist për këtë sfidë.
“Po e ndiej veten shumë mirë. U jam përmbajtur këshillave të mjekëve dhe kam sanuar këtë lëndim. Sipas personelit mjekësor, tashmë jam i gatshëm qind për qind për të luajtur. Mbetem në dispozicion të Shtabit Teknik. Kundër Flamurtarit pres të shfaqim një lojë të mirë dhe të arrijmë një rezultat të volitshëm”, ka thënë Ramushi.
